sab ki aankhon mein jo samaya tha

sab kī āñkhoñ meñ jo samāyā thā

kaun thā vo kahāñ se aayā thā

kis ne kī aaj pursish-e-ahvāl

koī apnā thā yā parāyā thā

miT ga.e ham to ye huā ma.alūm

bhuul kar koī muskurāyā thā

ek lazzat thī ḳhud-farebī meñ

varna kis ne fareb khāyā thā

aa ga.iiñ yaad phir vahī bāteñ

kal ba-mushkil jinheñ bhulāyā thā

sab the āseb-e-bazm ke maare

ham pe tanhā.iyoñ kā saayā thā

umr guzrī 'sahar' mohabbat meñ

ham ne dil kuchh ajiib paayā thā

sab ki aankhon mein jo samaya tha

kaun tha wo kahan se aaya tha

kis ne ki aaj pursish-e-ahwal

koi apna tha ya paraya tha

miT gae hum to ye hua malum

bhul kar koi muskuraya tha

ek lazzat thi KHud-farebi mein

warna kis ne fareb khaya tha

aa gain yaad phir wahi baaten

kal ba-mushkil jinhen bhulaya tha

sab the aaseb-e-bazm ke mare

hum pe tanhaiyon ka saya tha

umr guzri 'sahar' mohabbat mein

hum ne dil kuchh ajib paya tha