sab ko uljhan mein Dal rakkha hai

sab ko uljhan meñ Daal rakkhā hai

ham ne sikka uchhāl rakkhā hai

ḳhud ko ik baar phir banā.eñge

ham ne sab kuchh sañbhāl rakkhā hai

ham ne har lab TaTol kar dekhā

sab pe ranj-o-malāl rakkhā hai

ham tahī-dastiyoñ se vāqif haiñ

ham ne ḳhud ko khañgāl rakkhā hai

aaj kal ham ne apnī mahfil se

ḳhud ko bāhar nikāl rakkhā hai

sab ko uljhan mein Dal rakkha hai

hum ne sikka uchhaal rakkha hai

KHud ko ek bar phir banaenge

hum ne sab kuchh sanbhaal rakkha hai

hum ne har lab TaTol kar dekha

sab pe ranj-o-malal rakkha hai

hum tahi-dastiyon se waqif hain

hum ne KHud ko khangal rakkha hai

aaj kal hum ne apni mahfil se

KHud ko bahar nikal rakkha hai