sab mujhe be-sar-o-pa kahte hain

sab mujhe be-sar-o-pā kahte haiñ

ai mohabbat ise kyā kahte haiñ

jo kuchh us but ko barahman ne kahā

ham kahīñ us se sivā kahte haiñ

maiñ jo ro.uuñ use kahte haiñ maraz

vo hañse us ko davā kahte haiñ

jhuk ke qātil ko munāsib hai salām

is ko taslīm-o-razā kahte haiñ

kyā huā kahiye jo us but ko ḳhudā

log bandoñ ko ḳhudā kahte haiñ

kātib aa jaa.e to qāsid na mile

use qismat kā likhā kahte haiñ

'rashk' se baat bhī karte nahīñ aap

kahiye is baat ko kyā kahte haiñ

sab mujhe be-sar-o-pa kahte hain

ai mohabbat ise kya kahte hain

jo kuchh us but ko barahman ne kaha

hum kahin us se siwa kahte hain

main jo roun use kahte hain maraz

wo hanse us ko dawa kahte hain

jhuk ke qatil ko munasib hai salam

is ko taslim-o-raza kahte hain

kya hua kahiye jo us but ko KHuda

log bandon ko KHuda kahte hain

katib aa jae to qasid na mile

use qismat ka likha kahte hain

'rashk' se baat bhi karte nahin aap

kahiye is baat ko kya kahte hain