sab munafiq hi nazar aate hain baatil ke siwa

sab munāfiq hī nazar aate haiñ bātil ke sivā

haiñ sabhī shaad mire qatl pe qātil ke sivā

ashk āñkhoñ se gunāhoñ kī nadāmat meñ bahe

tab bhañvar se na kahīñ pahuñchā maiñ sāhil ke sivā

ḳhvāb dekho hai taraqqī kī zamānat be-shak

sab ko ta.abīr magar miltī hai kāhil ke sivā

maslakī jhagḌe furūī ye masā.il ko liye

aag aalim hī lagāte haiñ ye jāhil ke sivā

hosh meñ mai vo tasavvuf kī hī piine se rahe

hosh vaale sabhī ġhaflat meñ the ġhāfil ke sivā

ham pe ilzām jo ġhaddār-e-vatan kā dharte

aur ho sakte nahīñ vo koī buzdil ke sivā

chāplūsī se riyā-kārī se be-ġhairatī se

tum banoge sabhī kuchh rahbar-e-kāmil ke sivā

bhuuk shohrat kī tujhe dekh na gumnām kare

kaam kar naam bhī hogā tirā hāsil ke sivā

shikva har dam hī ta.assub kā na 'parvāna' karo

tum ho qābil to mile kuchh bhī na manzil ke sivā

sab munafiq hi nazar aate hain baatil ke siwa

hain sabhi shad mere qatl pe qatil ke siwa

ashk aankhon se gunahon ki nadamat mein bahe

tab bhanwar se na kahin pahuncha main sahil ke siwa

KHwab dekho hai taraqqi ki zamanat be-shak

sab ko tabir magar milti hai kahil ke siwa

maslaki jhagDe furui ye masail ko liye

aag aalim hi lagate hain ye jahil ke siwa

hosh mein mai wo tasawwuf ki hi pine se rahe

hosh wale sabhi ghaflat mein the ghafil ke siwa

hum pe ilzam jo ghaddar-e-watan ka dharte

aur ho sakte nahin wo koi buzdil ke siwa

chaplusi se riya-kari se be-ghairati se

tum banoge sabhi kuchh rahbar-e-kaamil ke siwa

bhuk shohrat ki tujhe dekh na gumnam kare

kaam kar nam bhi hoga tera hasil ke siwa

shikwa har dam hi tassub ka na 'parwana' karo

tum ho qabil to mile kuchh bhi na manzil ke siwa