sab samajhte hain ki hum kis karwan ke log hain
sab samajhte haiñ ki ham kis kārvāñ ke log haiñ
phir bhī pūchhā jā rahā hai ham kahāñ ke log haiñ
millat-e-baizā ne ye sīkhā hai sad-hā saal meñ
ye yahāñ ke log haiñ aur vo vahāñ ke log haiñ
ḳhālī paimāne liye baiThe haiñ rindān-e-kirām
mai-kada un kā hai jo pīr-e-muġhāñ ke log haiñ
in se mat pūchho ki manzil tum se kyuuñ chhīnī ga.ī
in ko mat chheḌo ye mīr-e-kārvāñ ke log haiñ
gul-faroshī se unheñ ham rokne vaale haiñ kaun
ham chaman ke log haiñ vo bāġhbāñ ke log haiñ
apne dushman se hameñ 'iqbāl' koī Dar nahīñ
un se be-shak ḳhauf hai jo darmiyāñ ke log haiñ
sab samajhte hain ki hum kis karwan ke log hain
phir bhi puchha ja raha hai hum kahan ke log hain
millat-e-baiza ne ye sikha hai sad-ha sal mein
ye yahan ke log hain aur wo wahan ke log hain
KHali paimane liye baiThe hain rindan-e-kiram
mai-kada un ka hai jo pir-e-mughan ke log hain
in se mat puchho ki manzil tum se kyun chhini gai
in ko mat chheDo ye mir-e-karwan ke log hain
gul-faroshi se unhen hum rokne wale hain kaun
hum chaman ke log hain wo baghban ke log hain
apne dushman se hamein 'iqbaal' koi Dar nahin
un se be-shak KHauf hai jo darmiyan ke log hain
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
