sabhi yun roenge to mera rona kaun dekhega

sabhī yuuñ ro.eñge to merā ronā kaun dekhegā

sambhālo dosto ḳhud ko corona kaun dekhegā

idhar qahr-e-ḳhudāvandī udhar aThkheliyāñ un kī

siyāsī logoñ kā ye jādū-Tonā kaun dekhegā

hamesha ek hī manzar ye T-v band kar Daalo

karoḌoñ logoñ kā ye ronā-dhonā kaun dekhegā

maqām-e-ḳhairiyat vo ho jahāñ aa kar koī pūchhe

tū jis goshe meñ rotā hai vo konā kaun dekhegā

are kam-baḳht tū curfew meñ bhī ghar nahīñ jaatā

sahāfī terā aḳhbārī bichhaunā kaun dekhegā

agar qudrat na ho to kaam ye mumkin nahīñ hotā

ġhazal meñ aisī bātoñ kā samonā kaun dekhegā

hameñ mahfūz rakhnā tū zamāne kī balāoñ se

ḳhudā jab ham na hoñge terā honā kaun dekhegā

sabhi yun roenge to mera rona kaun dekhega

sambhaalo dosto KHud ko corona kaun dekhega

idhar qahr-e-KHudawandi udhar aThkheliyan un ki

siyasi logon ka ye jadu-Tona kaun dekhega

hamesha ek hi manzar ye T-w band kar Dalo

karoDon logon ka ye rona-dhona kaun dekhega

maqam-e-KHairiyat wo ho jahan aa kar koi puchhe

tu jis goshe mein rota hai wo kona kaun dekhega

are kam-baKHt tu curfew mein bhi ghar nahin jata

sahafi tera aKHbari bichhauna kaun dekhega

agar qudrat na ho to kaam ye mumkin nahin hota

ghazal mein aisi baaton ka samona kaun dekhega

hamein mahfuz rakhna tu zamane ki balaon se

KHuda jab hum na honge tera hona kaun dekhega