sabr-o-taslim ki sipar bhi nahin
sabr-o-taslīm kī sipar bhī nahīñ
aur tadbīr kār-gar bhī nahīñ
tujh se tark-e-ta.alluqāt bhī hai
aur tirī yaad se mafar bhī nahīñ
ab ye kam-himmatī kā aalam hai
e'timād apne-āp par bhī nahīñ
ġham kī tīra-shabī ma.āz-allāh
ab to andāza-e-sahar bhī nahīñ
manziloñ kā surāġh DhūñDhte haiñ
jo sazā-vār-e-rahguzar bhī nahīñ
dil nahīñ mo'atabar na ho lekin
mo'atabar kyā tirī nazar bhī nahīñ
ham pe kyuuñ charḳh kī nigāh paḌī
ham to kuchh aise nāmvar bhī nahīñ
sabr-o-taslim ki sipar bhi nahin
aur tadbir kar-gar bhi nahin
tujh se tark-e-talluqat bhi hai
aur teri yaad se mafar bhi nahin
ab ye kam-himmati ka aalam hai
e'timad apne-ap par bhi nahin
gham ki tira-shabi maaz-allah
ab to andaza-e-sahar bhi nahin
manzilon ka suragh DhunDhte hain
jo saza-war-e-rahguzar bhi nahin
dil nahin mo'atabar na ho lekin
mo'atabar kya teri nazar bhi nahin
hum pe kyun charKH ki nigah paDi
hum to kuchh aise namwar bhi nahin
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
