sabz hikayat surKH kahani

sabz hikāyat surḳh kahānī

tere āñchal kī mehmānī

sahj sahj us husn kā chalnā

us pe andhī shab tūfānī

ik misrā vo jism ikahrā

duujā mere lab dahqānī

jild sunahrī hoñT piyāzī

is pe ḳhvāhish kī arzānī

bāloñ kā ghanghor añdherā

ubhrī īñToñ kī hairānī

pinDlī se Takrātī pinDlī

utran kī fitna-sāmānī

ik laḌkī ke dūpaTTe par

ham ne ik rut hai phailānī

añgūroñ kī bel se shab-bhar

bāteñ kartī hai vīrānī

pusht ye niil paḌe hoñ jaise

jaltā hai pātāl meñ paanī

do jismoñ kī aañkh anokhī

ḳhvāb aur ḳhvāhish kī yak-jānī

os ke bhāle ruuh ke chhāle

chhāle sā ik dil sailānī

kaise dil masle jaatā hai

gadlā din kauḌī yarqānī

ik ta.avīz kā sabza dil par

ek hikāyat raat kī raanī

dekh dilāsoñ vaalā kaasa

ishq kī damḌī kī hairānī

sāvan ke chhajje par 'āmir'

ik bhī buuñd nahīñ bārānī

sabz hikayat surKH kahani

tere aanchal ki mehmani

sahj sahj us husn ka chalna

us pe andhi shab tufani

ek misra wo jism ikahra

duja mere lab dahqani

jild sunahri honT piyazi

is pe KHwahish ki arzani

baalon ka ghanghor andhera

ubhri inTon ki hairani

pinDli se Takraati pinDli

utran ki fitna-samani

ek laDki ke dupaTTe par

hum ne ek rut hai phailani

anguron ki bel se shab-bhar

baaten karti hai virani

pusht ye nil paDe hon jaise

jalta hai patal mein pani

do jismon ki aankh anokhi

KHwab aur KHwahish ki yak-jaani

os ke bhaale ruh ke chhaale

chhaale sa ek dil sailani

kaise dil masle jata hai

gadla din kauDi yarqani

ek tawiz ka sabza dil par

ek hikayat raat ki rani

dekh dilason wala kasa

ishq ki damDi ki hairani

sawan ke chhajje par 'amir'

ek bhi bund nahin barani