sach hai inko mujhse kya aur mere afsane se kya

sach hai in ko mujh se kyā aur mere afsāne se kyā

kar diyā dīvāna to ab kaam dīvāne se kyā

ishq kā aalam judā hai husn kī duniyā judā

mujh ko ābādī se kyā aur tum ko vīrāne se kyā

merī hairat is taraf hai terī ġhaflat us taraf

dekhiye dīvāna ab kahtā hai dīvāne se kyā

sham.a kī lau hai to us kā ruḳh bhī hai sū-e-falak

raushnī uḌ jā.egī mere siyah-ḳhāne se kyā

phir haram meñ ho rahā hai imtihān-e-ahl-e-dil

sajda-hā-e-ma.asiyat le aa.uuñ but-ḳhāne se kyā

jis tarah guzrī hai ab tak ab bhī guzregī yūñhī

ham nahīñ badle to duniyā ke badal jaane se kyā

mai-kada se ḳhum meñ aa.ī ḳhum se shīshe meñ Dhalī

mai mire lab tak na aa jā.egī paimāne se kyā

ālam-e-hastī meñ kyuuñ laa.ī hai ai umr-e-ravāñ

aise vīrāne kī raunaq aise dīvāne se kyā

diin idhar duniyā udhar aur biich meñ vaa.iz kā va.az

pher leñ 'shaukat' nazar ham apnī paimāne se kyā

sach hai in ko mujh se kya aur mere afsane se kya

kar diya diwana to ab kaam diwane se kya

ishq ka aalam juda hai husn ki duniya juda

mujh ko aabaadi se kya aur tum ko virane se kya

meri hairat is taraf hai teri ghaflat us taraf

dekhiye diwana ab kahta hai diwane se kya

shama ki lau hai to us ka ruKH bhi hai su-e-falak

raushni uD jaegi mere siyah-KHane se kya

phir haram mein ho raha hai imtihan-e-ahl-e-dil

sajda-ha-e-masiyat le aaun but-KHane se kya

jis tarah guzri hai ab tak ab bhi guzregi yunhi

hum nahin badle to duniya ke badal jaane se kya

mai-kada se KHum mein aai KHum se shishe mein Dhali

mai mere lab tak na aa jaegi paimane se kya

aalam-e-hasti mein kyun lai hai ai umr-e-rawan

aise virane ki raunaq aise diwane se kya

din idhar duniya udhar aur bich mein waiz ka waz

pher len 'shaukat' nazar hum apni paimane se kya