sach hai jab bhi koi harf uski zaban se nikla

sach hai jab bhī koī harf us kī zabāñ se niklā

zahr meñ Duubā huā tiir kamāñ se niklā

duur tak phail gayā husn-e-ma.ānī kā tilism

ḳhuub mafhūm mire lafz-o-bayāñ se niklā

maiñ tire tark-e-ta.alluq se bas itnā samjhā

ek patthar thā jo shīshe ke makāñ se niklā

ik haqīqat pas-e-afsāna thī raushan raushan

vo jo ka.abe ko gayā shahr-e-butāñ se niklā

us taraf daar kī manzil thī idhar kūcha-e-yār

mujh ko jaanā thā kahāñ aur kahāñ se niklā

manzil-e-zāt milī ruuh huī āsūda

silsila tār-e-nafas kā rag-e-jāñ se niklā

bas ki thā pesh-e-nazar husn-e-azal kā jalva

'nāz' har kashmakash-e-sūd-o-ziyāñ se niklā

sach hai jab bhi koi harf us ki zaban se nikla

zahr mein Duba hua tir kaman se nikla

dur tak phail gaya husn-e-maani ka tilism

KHub mafhum mere lafz-o-bayan se nikla

main tere tark-e-talluq se bas itna samjha

ek patthar tha jo shishe ke makan se nikla

ek haqiqat pas-e-afsana thi raushan raushan

wo jo kabe ko gaya shahr-e-butan se nikla

us taraf dar ki manzil thi idhar kucha-e-yar

mujh ko jaana tha kahan aur kahan se nikla

manzil-e-zat mili ruh hui aasuda

silsila tar-e-nafas ka rag-e-jaan se nikla

bas ki tha pesh-e-nazar husn-e-azal ka jalwa

'naz' har kashmakash-e-sud-o-ziyan se nikla