sach-much apne ranjhe ko hi ghail kar ke chhoD diya

sach-much apne rāñjhe ko hī ghā.il kar ke chhoḌ diyā

achchhā-ḳhāsā laḌkā tū ne pāgal kar ke chhoḌ diyā

rut aa.e rut jaa.e bairan har mausam meñ barsī haiñ

tere ġham ne in āñkhoñ ko bādal kar ke chhoḌ diyā

koī Tik kar kab rahtā hai duniyā aatī jaatī hai

tere jaane ne to mujh ko qaa.il kar ke chhoḌ diyā

itnā ḳhālī ho baiThā huuñ sab kī dhun par bajtā huuñ

ya.anī tū ne mujh ko apnī paa.el kar ke chhoḌ diyā

mālik sab ko detā hai par merī jholī ḳhālī hai

qismat ne bhī mujh ko puurā saa.il kar ke chhoḌ diyā

sote jagte jo bhī dekhūñ terā chehra dikhtā hai

lailā ne majnūñ ko kitnā bekal kar ke chhoḌ diyā

sach-much apne ranjhe ko hi ghail kar ke chhoD diya

achchha-KHasa laDka tu ne pagal kar ke chhoD diya

rut aae rut jae bairan har mausam mein barsi hain

tere gham ne in aankhon ko baadal kar ke chhoD diya

koi Tik kar kab rahta hai duniya aati jati hai

tere jaane ne to mujh ko qail kar ke chhoD diya

itna KHali ho baiTha hun sab ki dhun par bajta hun

yani tu ne mujh ko apni pael kar ke chhoD diya

malik sab ko deta hai par meri jholi KHali hai

qismat ne bhi mujh ko pura sail kar ke chhoD diya

sote jagte jo bhi dekhun tera chehra dikhta hai

laila ne majnun ko kitna bekal kar ke chhoD diya