sad-KHatawar hain lekin ye jasarat nahin ki

sad-ḳhatāvār haiñ lekin ye jasārat nahīñ kī

ham ne ḳhush rah ke tire ġham se ḳhayānat nahīñ kī

ham ne be-sūd tire saath mohabbat kī hai

itnī be-sūd ki paane kī bhī chāhat nahīñ kī

dil ko is sabr pe kuchh daad to de ki is ne

tujh ko kho kar bhī mirī jaan qayāmat nahīñ kī

vo jahāñ-zād thā us ne bhī sitam kam na kiye

ham junūñ-zād the ham ne bhī shikāyat nahīñ kī

koī ik ghaav thā jo she'r nahīñ ho paayā

koī ik choT thī jo dil ne 'ibārat nahīñ kī

vo jo ik chehra thā āñkhoñ kā dilāsa 'abbās'

ham ne us chehre kī ‘umroñ se ziyārat nahīñ kī

sad-KHatawar hain lekin ye jasarat nahin ki

hum ne KHush rah ke tere gham se KHayanat nahin ki

hum ne be-sud tere sath mohabbat ki hai

itni be-sud ki pane ki bhi chahat nahin ki

dil ko is sabr pe kuchh dad to de ki is ne

tujh ko kho kar bhi meri jaan qayamat nahin ki

wo jahan-zad tha us ne bhi sitam kam na kiye

hum junun-zad the hum ne bhi shikayat nahin ki

koi ek ghaw tha jo she'r nahin ho paya

koi ek choT thi jo dil ne 'ibarat nahin ki

wo jo ek chehra tha aankhon ka dilasa 'abbas'

hum ne us chehre ki ‘umron se ziyarat nahin ki