bahut dil ko kushada kar liya kya
bahut dil ko kushāda kar liyā kyā
zamāne bhar se va.ada kar liyā kyā
to kyā sach-much judā.ī mujh se kar lī
to ḳhud apne ko aadhā kar liyā kyā
hunar-mandī se apnī dil kā safha
mirī jaañ tum ne saada kar liyā kyā
jo yaksar jaan hai us ke badan se
kaho kuchh istifāda kar liyā kyā
bahut katrā rahe ho muġhbachoñ se
gunāh-e-tark-e-bāda kar liyā kyā
yahāñ ke log kab ke jā chuke haiñ
safar jāda-ba-jāda kar liyā kyā
uThāyā ik qadam tū ne na us tak
bahut apne ko māñda kar liyā kyā
tum apnī kaj-kulāhī haar baiThīñ
badan ko be-libāda kar liyā kyā
bahut nazdīk aatī jā rahī ho
bichhaḌne kā irāda kar liyā kyā
bahut dil ko kushada kar liya kya
zamane bhar se wada kar liya kya
to kya sach-much judai mujh se kar li
to KHud apne ko aadha kar liya kya
hunar-mandi se apni dil ka safha
meri jaan tum ne sada kar liya kya
jo yaksar jaan hai us ke badan se
kaho kuchh istifada kar liya kya
bahut katra rahe ho mughbachon se
gunah-e-tark-e-baada kar liya kya
yahan ke log kab ke ja chuke hain
safar jada-ba-jada kar liya kya
uThaya ek qadam tu ne na us tak
bahut apne ko manda kar liya kya
tum apni kaj-kulahi haar baiThin
badan ko be-libaada kar liya kya
bahut nazdik aati ja rahi ho
bichhaDne ka irada kar liya kya
- Book : yani (Pg. 31)
Tagged Under
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
