gae mausam mein jo khilte the gulabon ki tarah

ga.e mausam meñ jo khilte the gulāboñ kī tarah

dil pe utreñge vahī ḳhvāb azāboñ kī tarah

raakh ke Dher pe ab raat basar karnī hai

jal chuke haiñ mire ḳheme mire ḳhvāboñ kī tarah

sā.at-e-dīd ki aariz haiñ gulābī ab tak

avvalīñ lamhoñ ke gulnār hijāboñ kī tarah

vo samundar hai to phir ruuh ko shādāb kare

tishnagī kyuuñ mujhe detā hai sarāboñ kī tarah

ġhair-mumkin hai tire ghar ke gulāboñ kā shumār

mere riste hue zaḳhmoñ ke hisāboñ kī tarah

yaad to hoñgī vo bāteñ tujhe ab bhī lekin

shelf meñ rakkhī huī band kitāboñ kī tarah

kaun jaane ki na.e saal meñ tū kis ko paḌhe

terā me.aar badaltā hai nisāboñ kī tarah

shoḳh ho jaatī hai ab bhī tirī āñkhoñ kī chamak

gaahe gaahe tire dilchasp javāboñ kī tarah

hijr kī shab mirī tanhā.ī pe dastak degī

terī ḳhush-bū mire kho.e hue ḳhvāboñ kī tarah

gae mausam mein jo khilte the gulabon ki tarah

dil pe utrenge wahi KHwab azabon ki tarah

rakh ke Dher pe ab raat basar karni hai

jal chuke hain mere KHeme mere KHwabon ki tarah

saat-e-did ki aariz hain gulabi ab tak

awwalin lamhon ke gulnar hijabon ki tarah

wo samundar hai to phir ruh ko shadab kare

tishnagi kyun mujhe deta hai sarabon ki tarah

ghair-mumkin hai tere ghar ke gulabon ka shumar

mere riste hue zaKHmon ke hisabon ki tarah

yaad to hongi wo baaten tujhe ab bhi lekin

shelf mein rakkhi hui band kitabon ki tarah

kaun jaane ki nae sal mein tu kis ko paDhe

tera mear badalta hai nisabon ki tarah

shoKH ho jati hai ab bhi teri aankhon ki chamak

gahe gahe tere dilchasp jawabon ki tarah

hijr ki shab meri tanhai pe dastak degi

teri KHush-bu mere khoe hue KHwabon ki tarah