tumhaare shahr ka mausam baDa suhana lage

tumhāre shahr kā mausam baḌā suhānā lage

maiñ ek shaam churā luuñ agar burā na lage

tumhāre bas meñ agar ho to bhuul jaao mujhe

tumheñ bhulāne meñ shāyad mujhe zamāna lage

jo Dūbnā hai to itne sukūn se Duubo

ki ās-pās kī lahroñ ko bhī patā na lage

vo phuul jo mire dāman se ho ga.e mansūb

ḳhudā kare unheñ bāzār kī havā na lage

na jaane kyā hai kisī kī udaas āñkhoñ meñ

vo muñh chhupā ke bhī jaa.e to bevafā na lage

tū is tarah se mire saath bevafā.ī kar

ki tere ba.ad mujhe koī bevafā na lage

tum aañkh muuñd ke pī jaao zindagī 'qaisar'

ki ek ghūñT meñ mumkin hai bad-maza na lage

tumhaare shahr ka mausam baDa suhana lage

main ek sham chura lun agar bura na lage

tumhaare bas mein agar ho to bhul jao mujhe

tumhein bhulane mein shayad mujhe zamana lage

jo Dubna hai to itne sukun se Dubo

ki aas-pas ki lahron ko bhi pata na lage

wo phul jo mere daman se ho gae mansub

KHuda kare unhen bazar ki hawa na lage

na jaane kya hai kisi ki udas aankhon mein

wo munh chhupa ke bhi jae to bewafa na lage

tu is tarah se mere sath bewafai kar

ki tere baad mujhe koi bewafa na lage

tum aankh mund ke pi jao zindagi 'qaisar'

ki ek ghunT mein mumkin hai bad-maza na lage