sada-e-ahd-e-wafa ko zawal kyun aaya
sadā-e-ahd-e-vafā ko zavāl kyuuñ aayā
lab-e-sukūt pe harf-e-savāl kyuuñ aayā
kise ḳhabar ki chaman meñ ḳhizāñ kī aamad par
ġhurūr-e-sho.ala-e-gul ko jalāl kyuuñ aayā
bujhā rahā thā maiñ apne vajūd kā ḳhurshīd
tirī nigāh meñ rañg-e-malāl kyuuñ aayā
shab-e-firāq ne dekhī na thī mirī sūrat
shab-e-firāq ko merā ḳhayāl kyuuñ aayā
chubhan hai zehan meñ 'āsif' ki is añdhere meñ
ufuq ke haath pe āḳhir hilāl kyuuñ aayā
sada-e-ahd-e-wafa ko zawal kyun aaya
lab-e-sukut pe harf-e-sawal kyun aaya
kise KHabar ki chaman mein KHizan ki aamad par
ghurur-e-shoala-e-gul ko jalal kyun aaya
bujha raha tha main apne wajud ka KHurshid
teri nigah mein rang-e-malal kyun aaya
shab-e-firaq ne dekhi na thi meri surat
shab-e-firaq ko mera KHayal kyun aaya
chubhan hai zehan mein 'asif' ki is andhere mein
ufuq ke hath pe aaKHir hilal kyun aaya
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
