aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

sada hai fikr-e-taraqqi buland-binon ko

Meer Anees

sada hai fikr-e-taraqqi buland-binon ko

Meer Anees

MORE BYMeer Anees

    sadā hai fikr-e-taraqqī buland-bīnoñ ko

    ham āsmān se laa.e haiñ in zamīnoñ ko

    paḌheñ durūd na kyuuñ dekh kar hasīnoñ ko

    ḳhayāl-e-san.at-e-sāne hai pāk-bīnoñ ko

    kamāl-e-faqr bhī shāyāñ hai pāk-bīnoñ ko

    ye ḳhaak taḳht hai ham boriyā-nashīnoñ ko

    lahad meñ so.e haiñ chhoḌā hai shah-nashīnoñ ko

    qazā kahāñ se kahāñ le ga.ī makīnoñ ko

    ye jhurriyāñ nahīñ hāthoñ pe zo.af-e-pīrī ne

    chunā hai jāma-e-aslī āstīnoñ ko

    lagā rahā huuñ mazāmīn-e-nau ke phir ambār

    ḳhabar karo mire ḳhirman ke ḳhosha-chīnoñ ko

    bhalā taraddud-e-bejā se un meñ kyā hāsil

    uThā chuke haiñ zamīñdār jin zamīnoñ ko

    unhīñ ko aaj nahīñ baiThne miltī

    muaaf karte the jo log kal zamīnoñ ko

    ye zā.iroñ ko milīñ sarfarāziyāñ varna

    kahāñ nasīb ki chūmeñ malak jabīnoñ ko

    sajāyā ham ne mazāmīñ ke taaza phūloñ se

    basā diyā hai in ujḌī huī zamīnoñ ko

    lahad bhī dekhiye in meñ nasīb ho ki na ho

    ki ḳhaak chhān ke paayā hai jin zamīnoñ ko

    zavāl-e-tāqat o mū-e-sapīd o zof-e-basar

    inhīñ se paa.e bashar maut ke qarīnoñ ko

    nahīñ ḳhabar unheñ miTTī meñ apne milne

    zamīñ meñ gaaḌ ke baiThe haiñ jo dafīnoñ ko

    ḳhabar nahīñ unheñ kyā badobast-e-puḳhta

    jo ġhasb karne lage ġhair zamīnoñ ko

    jahāñ se uTh ga.e jo log phir nahīñ milte

    kahāñ se DhūñD ke ab laa.eñ ham-nashīnoñ ko

    nazar meñ phirtī hai vo tīrgī o tanhā.ī

    lahad ḳhaak hai surma ma.āl-baīnoñ ko

    ḳhayāl-e-ḳhātir-e-ahbāb chāhiye har dam

    'anīs' Thes na lag jaa.e ābgīnoñ ko

    sada hai fikr-e-taraqqi buland-binon ko

    hum aasman se lae hain in zaminon ko

    paDhen durud na kyun dekh kar hasinon ko

    KHayal-e-sanat-e-sane hai pak-binon ko

    kamal-e-faqr bhi shayan hai pak-binon ko

    ye KHak taKHt hai hum boriya-nashinon ko

    lahad mein soe hain chhoDa hai shah-nashinon ko

    qaza kahan se kahan le gai makinon ko

    ye jhurriyan nahin hathon pe zoaf-e-piri ne

    chuna hai jama-e-asli ki aastinon ko

    laga raha hun mazamin-e-nau ke phir ambar

    KHabar karo mere KHirman ke KHosha-chinon ko

    bhala taraddud-e-beja se un mein kya hasil

    uTha chuke hain zamindar jin zaminon ko

    unhin ko aaj nahin baiThne ki ja milti

    muaf karte the jo log kal zaminon ko

    ye zairon ko milin sarfaraaziyan warna

    kahan nasib ki chumen malak jabinon ko

    sajaya hum ne mazamin ke taza phulon se

    basa diya hai in ujDi hui zaminon ko

    lahad bhi dekhiye in mein nasib ho ki na ho

    ki KHak chhan ke paya hai jin zaminon ko

    zawal-e-taqat o mu-e-sapid o zof-e-basar

    inhin se pae bashar maut ke qarinon ko

    nahin KHabar unhen miTTi mein apne milne ki

    zamin mein gaD ke baiThe hain jo dafinon ko

    KHabar nahin unhen kya badobast-e-puKHta ki

    jo ghasb karne lage ghair ki zaminon ko

    jahan se uTh gae jo log phir nahin milte

    kahan se DhunD ke ab laen ham-nashinon ko

    nazar mein phirti hai wo tirgi o tanhai

    lahad ki KHak hai surma maal-bainon ko

    KHayal-e-KHatir-e-ahbab chahiye har dam

    'anis' Thes na lag jae aabginon ko

    RECITATIONS

    Nomaan Shauque

    Nomaan Shauque,

    Nomaan Shauque

    sada hai fikr-e-taraqqi buland-binon ko Nomaan Shauque

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now