sada za-faiz-e-asar KHamushi na ban jae

sadā za-faiz-e-asar ḳhāmushī na ban jaa.e

jo baat kah na sakūñ aap hī na ban jaa.e

kis intizār meñ hai ghar kā band darvāza

havā bhī sāya-e-zanjīr hī na ban jaa.e

vo ghuT ke mar hī na jaa.e jo mere andar hai

mirā vujūd hī merī nafī na ban jaa.e

tirī vafā mirī nas nas meñ zahr bhar degī

ye dostī bhī tirī dushmanī na ban jaa.e

tumhāre māthe pe ubhrī hai jo shikan kī tarah

yahī lakīr bhaTak kar hañsī na ban jaa.e

uThā.ūñ nazm kā ghūñghaT to sāmne tum ho

ġhazal kahūñ to tumhārī chhabī na ban jaa.e

sada za-faiz-e-asar KHamushi na ban jae

jo baat kah na sakun aap hi na ban jae

kis intizar mein hai ghar ka band darwaza

hawa bhi saya-e-zanjir hi na ban jae

wo ghuT ke mar hi na jae jo mere andar hai

mera wujud hi meri nafi na ban jae

teri wafa meri nas nas mein zahr bhar degi

ye dosti bhi teri dushmani na ban jae

tumhaare mathe pe ubhri hai jo shikan ki tarah

yahi lakir bhaTak kar hansi na ban jae

uThaun nazm ka ghunghaT to samne tum ho

ghazal kahun to tumhaari chhabi na ban jae