sadiyon ke baad hosh mein jo aa raha hun main

sadiyoñ ke baad hosh meñ jo aa rahā huuñ maiñ

lagtā hai pahle jurm ko dohrā rahā huuñ maiñ

pur-haul vādiyoñ kā safar hai bahut kaThin

le jā rahā hai shauq chalā jā rahā huuñ maiñ

ḳhālī haiñ donoñ haath aur dāman bhī taar taar

kyuuñ ek musht-e-ḳhāk pe itrā rahā huuñ maiñ

shauq-e-visāl-e-yār meñ ik umr kaaT dī

ab baam o dar saje haiñ to ghabrā rahā huuñ maiñ

shāyad varaq hai paḌh liyā koī hayāt kā

ban kar faqīh-e-shahr jo samjhā rahā huuñ maiñ

sāhil pe baiThā dekh ke maujoñ kā iztirāb

uljhī huī sī gutthiyāñ suljhā rahā huuñ maiñ

sadiyon ke baad hosh mein jo aa raha hun main

lagta hai pahle jurm ko dohra raha hun main

pur-haul wadiyon ka safar hai bahut kaThin

le ja raha hai shauq chala ja raha hun main

KHali hain donon hath aur daman bhi tar tar

kyun ek musht-e-KHak pe itra raha hun main

shauq-e-visal-e-yar mein ek umr kaT di

ab baam o dar saje hain to ghabra raha hun main

shayad waraq hai paDh liya koi hayat ka

ban kar faqih-e-shahr jo samjha raha hun main

sahil pe baiTha dekh ke maujon ka iztirab

uljhi hui si gutthiyan suljha raha hun main