safa-e-hairat-e-aina hai saman-e-zang aaKHir

safā-e-hairat-e-ā.īna hai sāmān-e-zang āḳhir

taġhayyur āb-e-bar-jā-māñda kā paatā hai rañg āḳhir

na kī sāmān-e-aish-o-jāh ne tadbīr vahshat kī

huā jām-e-zumurrad bhī mujhe dāġh-e-palañg āḳhir

ḳhat-e-nau-ḳhez nīl-e-chashm zaḳhm-e-sāfī-e-āriz

liyā ā.īna ne hirz-e-par-e-tūtī ba-chang āḳhir

hilāl-āsā tahī rah gar kushādan-hā-e-dil chāhe

huā mah kasrat-e-sarmāya-andozī se tañg āḳhir

taḌap kar mar gayā vo said-e-bāl-afshāñ ki muztar thā

huā nāsū-e-chashm-e-ta.aziyat chashm-e-ḳhadañg āḳhir

likhī yāroñ kī bad-mastī ne maiḳhāne kī pāmālī

hui qatra-fishānī-hā-e-mai-bārān-e-sañg āḳhir

'asad' parde meñ bhī āhañg-e-shauq-e-yār qaa.em hai

nahīñ hai naġhme se ḳhālī ḳhamīdan-hā-e-chañg āḳhir

safa-e-hairat-e-aina hai saman-e-zang aaKHir

taghayyur aab-e-bar-ja-manda ka pata hai rang aaKHir

na ki saman-e-aish-o-jah ne tadbir wahshat ki

hua jam-e-zumurrad bhi mujhe dagh-e-palang aaKHir

KHat-e-nau-KHez nil-e-chashm zaKHm-e-safi-e-ariz

liya aaina ne hirz-e-par-e-tuti ba-chang aaKHir

hilal-asa tahi rah gar kushadan-ha-e-dil chahe

hua mah kasrat-e-sarmaya-andozi se tang aaKHir

taDap kar mar gaya wo said-e-baal-afshan ki muztar tha

hua nasu-e-chashm-e-taziyat chashm-e-KHadang aaKHir

likhi yaron ki bad-masti ne maiKHane ki pamali

hui qatra-fishani-ha-e-mai-baran-e-sang aaKHir

'asad' parde mein bhi aahang-e-shauq-e-yar qaem hai

nahin hai naghme se KHali KHamidan-ha-e-chang aaKHir