safar karo to ek aalam dikhai deta hai
safar karo to ik aalam dikhā.ī detā hai
qad apnā pahle se kuchh kam dikhā.ī detā hai
maiñ ḳhushk shāḳh-e-ḳhazāñ pe yūñhī nahīñ baiThā
yahāñ se abr kā parcham dikhā.ī detā hai
magar tanā huā rahtā hai kam-nasīboñ se
ye āsmāñ jo tumheñ ḳham dikhā.ī detā hai
har ek haath meñ patthar kahāñ se ā.eñge
tamām shahr to barham dikhā.ī detā hai
ḳhud apne zaḳhm pe itnā hazīñ na ho ki 'suhail'
saf-e-adū meñ bhī mātam dikhā.ī detā hai
safar karo to ek aalam dikhai deta hai
qad apna pahle se kuchh kam dikhai deta hai
main KHushk shaKH-e-KHazan pe yunhi nahin baiTha
yahan se abr ka parcham dikhai deta hai
magar tana hua rahta hai kam-nasibon se
ye aasman jo tumhein KHam dikhai deta hai
har ek hath mein patthar kahan se aaenge
tamam shahr to barham dikhai deta hai
KHud apne zaKHm pe itna hazin na ho ki 'suhail'
saf-e-adu mein bhi matam dikhai deta hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
