safar ke sath safar ki kahaniyan hongi
safar ke saath safar kī kahāniyāñ hoñgī
har ek moḌ pe jādū-bayāniyāñ hoñgī
ġharīb-e-shahr suḳhan-āshnā ko tarseñge
ham ahl-e-ġham ke liye ġham kī vādiyāñ hoñgī
tamām rāsta kāñToñ bharā hai soch bhī le
qadam qadam pe yahāñ bad-gumāniyāñ hoñgī
bane banā.e hue rāstoñ ko DhūñDeñge
vo jin ke saath meñ murda nishāniyāñ hoñgī
ragoñ se dard kā rishta bhī chhūT jā.egā
phir is ke ba.ad sulagtī ḳhamoshiyāñ hoñgī
safar ke sath safar ki kahaniyan hongi
har ek moD pe jadu-bayaniyan hongi
gharib-e-shahr suKHan-ashna ko tarsenge
hum ahl-e-gham ke liye gham ki wadiyan hongi
tamam rasta kanTon bhara hai soch bhi le
qadam qadam pe yahan bad-gumaniyan hongi
bane banae hue raston ko DhunDenge
wo jin ke sath mein murda nishaniyan hongi
ragon se dard ka rishta bhi chhuT jaega
phir is ke baad sulagti KHamoshiyan hongi
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
