safar mein faslon ke sath baadban kho diya

safar meñ fāsloñ ke saath bādbān kho diyā

utar ke pāniyoñ meñ ham ne āsamān kho diyā

yahī ki in nafas-ġhubār sā.atoñ ke darmiyāñ

havā ne giit rah-guzar ne sārbān kho diyā

ye kaun sāvanoñ meñ ḳhvāb dekhtā hai dhuup ke

ye kis ne e'tibār-e-ġham pas-e-gumān kho diyā

bas ek harf kā gudāz us pe qarz thā so vo

bichhaḌte vaqt ḳhāmushī ke darmiyān kho diyā

firāq manziloñ kā ik ġhubār thā ki jis ghaḌī

charāġh-e-shab ne aur dil ne mehmān kho diyā

rutoñ meñ ek rut yahāñ shajar bhī kāTne kī thī

pata chalā jab apne ghar kā pāsbān kho diyā

bachā liyā thā ḳhvāb jo masāfatoñ kī dhuup se

vo abr-o-bād manzaroñ ke darmiyān kho diyā

vo niiñd apne bachpane kī raah meñ ujaḌ ga.ī

us aañkh ne bhī mojazoñ kā ik jahān kho diyā

safar mein faslon ke sath baadban kho diya

utar ke paniyon mein hum ne aasaman kho diya

yahi ki in nafas-ghubar saaton ke darmiyan

hawa ne git rah-guzar ne sarban kho diya

ye kaun sawanon mein KHwab dekhta hai dhup ke

ye kis ne e'tibar-e-gham pas-e-guman kho diya

bas ek harf ka gudaz us pe qarz tha so wo

bichhaDte waqt KHamushi ke darmiyan kho diya

firaq manzilon ka ek ghubar tha ki jis ghaDi

charagh-e-shab ne aur dil ne mehman kho diya

ruton mein ek rut yahan shajar bhi kaTne ki thi

pata chala jab apne ghar ka pasban kho diya

bacha liya tha KHwab jo masafaton ki dhup se

wo abr-o-baad manzaron ke darmiyan kho diya

wo nind apne bachpane ki rah mein ujaD gai

us aankh ne bhi mojazon ka ek jahan kho diya