safar sarabon ka bas aaj kaTne wala hai
safar sarāboñ kā bas aaj kaTne vaalā hai
ki mere paañv se dariyā lipaTne vaalā hai
uTho ki ab to tamāzat kā zā.iqa chakh leñ
shajar kā saaya shajar meñ simaTne vaalā hai
to phir yaqīn kī sarhad meñ vaar kar mujh par
gumāñ kī dhund meñ jab tiir uchaTne vaalā hai
tū itnā jis kī ziyā-bāriyoñ pe nāzāñ hai
ġhubār-e-shab se vo chehra bhī aTne vaalā hai
ye ek saaya ġhanīmat hai rok lo varna
ye raushnī ke badan se lipaTne vaalā hai
safar sarabon ka bas aaj kaTne wala hai
ki mere panw se dariya lipaTne wala hai
uTho ki ab to tamazat ka zaiqa chakh len
shajar ka saya shajar mein simaTne wala hai
to phir yaqin ki sarhad mein war kar mujh par
guman ki dhund mein jab tir uchaTne wala hai
tu itna jis ki ziya-bariyon pe nazan hai
ghubar-e-shab se wo chehra bhi aTne wala hai
ye ek saya ghanimat hai rok lo warna
ye raushni ke badan se lipaTne wala hai
- Book : Aks e Gumgushta (Pg. 6)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
