safar se pahle sarabon ka silsila rakh aae

safar se pahle sarāboñ kā silsila rakh aa.e

har ek moḌ pe āshob ik nayā rakh aa.e

kahāñ bhaTaktī phiregī añdherī galiyoñ meñ

ham ik charāġh sar-e-kūcha-e-havā rakh aa.e

tamām umr safar se ġharaz rahī ham ko

har iḳhtitām pe ham ek ibtidā rakh aa.e

bhaTak na jaa.e musāfir koī hamāre ba.ad

so rāh-e-shauq meñ ham apne naqsh-e-pā rakh aa.e

ye be-samā.at o be-chehra basārat log

ye pattharoñ meñ kahāñ aap ā.īna rakh aa.e

safar se pahle sarabon ka silsila rakh aae

har ek moD pe aashob ek naya rakh aae

kahan bhaTakti phiregi andheri galiyon mein

hum ek charagh sar-e-kucha-e-hawa rakh aae

tamam umr safar se gharaz rahi hum ko

har iKHtitam pe hum ek ibtida rakh aae

bhaTak na jae musafir koi hamare baad

so rah-e-shauq mein hum apne naqsh-e-pa rakh aae

ye be-samaat o be-chehra basarat log

ye pattharon mein kahan aap aaina rakh aae