safar tamam hua gard-e-justuju bhi gai

safar tamām huā gard-e-justujū bhī ga.ī

tirī talāsh meñ niklī to aarzū bhī ga.ī

ik intizār sā thā barf ke pighalne kā

phir us ke ba.ad to ummīd-e-ābjū bhī ga.ī

talab kī raah meñ aise bhī moḌ aa.e haiñ

ki harf-o-saut gayā shoḳhī-e-gulū bhī ga.ī

ye barg-o-bār kahāñ jāzib-nazar Thahre

tumhāre ba.ad to phūloñ se rañg-o-bū bhī ga.ī

kuchh aise ḳhaak uḌaa.ī hai dasht-e-hū meñ 'jamāl'

ki jazb-e-shauq bhī tafrīq-e-mā-o-tū bhī ga.ī

safar tamam hua gard-e-justuju bhi gai

teri talash mein nikli to aarzu bhi gai

ek intizar sa tha barf ke pighalne ka

phir us ke baad to ummid-e-abju bhi gai

talab ki rah mein aise bhi moD aae hain

ki harf-o-saut gaya shoKHi-e-gulu bhi gai

ye barg-o-bar kahan jazib-nazar Thahre

tumhaare baad to phulon se rang-o-bu bhi gai

kuchh aise KHak uDai hai dasht-e-hu mein 'jamal'

ki jazb-e-shauq bhi tafriq-e-ma-o-tu bhi gai