sag-e-laila ke naqsh-e-pa hain hum

sag-e-lailā ke naqsh-e-pā haiñ ham

ya.anī majnūñ ke rahnumā haiñ ham

kyuuñ na ho dushmanoñ ke ghar mātam

dost ke kushta-e-jafā haiñ ham

tum ko dil kī bhī hai kasū ke ḳhabar

dil meñ ḳhush ho ki dil-rubā haiñ ham

jis qadar ham ko samjhiye be-qadr

qadr meñ us se bhī sivā haiñ ham

kyuuñ na miTTī ḳharāb ho apnī

is ḳharābāt kī binā haiñ ham

kis se rakhiye ġhubār ai 'mārūf'

ek aalam kī ḳhāk-e-pā haiñ ham

sag-e-laila ke naqsh-e-pa hain hum

yani majnun ke rahnuma hain hum

kyun na ho dushmanon ke ghar matam

dost ke kushta-e-jafa hain hum

tum ko dil ki bhi hai kasu ke KHabar

dil mein KHush ho ki dil-ruba hain hum

jis qadar hum ko samjhiye be-qadr

qadr mein us se bhi siwa hain hum

kyun na miTTi KHarab ho apni

is KHarabaat ki bina hain hum

kis se rakhiye ghubar ai 'maruf'

ek aalam ki KHak-e-pa hain hum