sahab-e-fasl-e-gul hai barg-e-awara nahin hai wo

sahāb-e-fasl-e-gul hai barg-e-āvāra nahīñ hai vo

chalo maanā kisī kī aañkh kā taarā nahīñ hai vo

charāġh-e-rahguzar hai rāstī hai us kī fitrat meñ

ḳhalāoñ meñ bhaTakne vaalā sayyāra nahīñ hai vo

dukāneñ mat sajāo qīmtī jazboñ ko mat becho

ġhazal kā phuul hai kāġhaz kā pushtāra nahīñ hai vo

ham apnī pyaas le kar ġham ke sahrā meñ bhaTakte haiñ

hameñ kyā hai agar dhārā hai yā dhārā nahīñ hai vo

ye bechainī zarā sī mīThā mīThā dard thoḌā sā

sharār-e-rang kī tamsīl hai paara nahīñ hai vo

ugā saktā huuñ lafzoñ kī zamīñ se lāla-e-ma.anī

ki mere zehn meñ jo kuchh hai angāra nahīñ hai vo

use meñ jāntā huuñ sab usī par jaan dete haiñ

'ayāz-e-āzmī’ āḳhir tumheñ pyārā nahīñ hai vo

sahab-e-fasl-e-gul hai barg-e-awara nahin hai wo

chalo mana kisi ki aankh ka tara nahin hai wo

charagh-e-rahguzar hai rasti hai us ki fitrat mein

KHalaon mein bhaTakne wala sayyara nahin hai wo

dukanen mat sajao qimti jazbon ko mat becho

ghazal ka phul hai kaghaz ka pushtara nahin hai wo

hum apni pyas le kar gham ke sahra mein bhaTakte hain

hamein kya hai agar dhaara hai ya dhaara nahin hai wo

ye bechaini zara si miTha miTha dard thoDa sa

sharar-e-rang ki tamsil hai para nahin hai wo

uga sakta hun lafzon ki zamin se lala-e-mani

ki mere zehn mein jo kuchh hai angara nahin hai wo

use mein jaanta hun sab usi par jaan dete hain

'ayaz-e-azmi’ aaKHir tumhein pyara nahin hai wo