sahab-e-sabz na taus-e-nilmen laya

sahāb-e-sabz na tā.ūs-e-nīlmīñ laayā

vo shaḳhs lauT ke ik aur sar-zamīñ laayā

atā usī kī hai ye shahd o shor kī taufīq

vahī galīm meñ ye nān-e-be-javīñ laayā

usī kī chaap hai ukhḌe hue khḌanje par

vo ḳhisht o ḳhvāb ko bairūn-e-azmagīñ laayā

vo pesh-e-burrish-e-shamshīr bhī gavāhī meñ

kaf-e-buland meñ ik shāḳh-e-yāsmīñ laayā

kitāb-e-ḳhāk paḌhī zalzale kī raat us ne

shaguft-e-gul ke zamāne meñ vo yaqīñ laayā

sahab-e-sabz na taus-e-nilmin laya

wo shaKHs lauT ke ek aur sar-zamin laya

ata usi ki hai ye shahd o shor ki taufiq

wahi galim mein ye nan-e-be-jawin laya

usi ki chap hai ukhDe hue khDanje par

wo KHisht o KHwab ko bairun-e-azmagin laya

wo pesh-e-burrish-e-shamshir bhi gawahi mein

kaf-e-buland mein ek shaKH-e-yasmin laya

kitab-e-KHak paDhi zalzale ki raat us ne

shaguft-e-gul ke zamane mein wo yaqin laya