sahl yun rah-e-zindagi ki hai
sahl yuuñ rāh-e-zindagī kī hai
har qadam ham ne 'āshiqī kī hai
ham ne dil meñ sajā liye gulshan
jab bahāroñ ne be-ruḳhī kī hai
zahr se dho liye haiñ hoñT apne
lutf-e-sāqī ne jab kamī kī hai
tere kūche meñ bādshāhī kī
jab se nikle gadāgarī kī hai
bas vahī surḳh-rū huā jis ne
bahr-e-ḳhūñ meñ shanāvarī kī hai
jo guzarte the 'dāġh' par sadme
ab vahī kaifiyat sabhī kī hai
sahl yun rah-e-zindagi ki hai
har qadam hum ne 'ashiqi ki hai
hum ne dil mein saja liye gulshan
jab bahaaron ne be-ruKHi ki hai
zahr se dho liye hain honT apne
lutf-e-saqi ne jab kami ki hai
tere kuche mein baadshahi ki
jab se nikle gadagari ki hai
bas wahi surKH-ru hua jis ne
bahr-e-KHun mein shanawari ki hai
jo guzarte the 'dagh' par sadme
ab wahi kaifiyat sabhi ki hai
- Book : Nuskha Hai Wafa (Kulliyat-e-Faiz) (Pg. 634)
- Publication : Educational Publishing House (2009)
- Edition : 2009
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
