sahra hi ghanimat hai, jo ghar jaoge logo

sahrā hī ġhanīmat hai, jo ghar jāoge logo

vo 'ālam-e-vahshat hai ki mar jāoge logo

yādoñ ke ta'āqub meñ agar jāoge logo

merī hī tarah tum bhī bikhar jāoge logo

vo mauj-e-sabā bhī ho to hushyār hī rahnā

sūkhe hue patte ho bikhar jāoge logo

is ḳhaak pe mausam to guzarte hī rahe haiñ

mausam hī to ho tum bhī guzar jāoge logo

ujḌe haiñ ka.ī shahr to ye shahr basā hai

ye shahr bhī chhoḌā to kidhar jāoge logo

hālāt ne chehroñ pe bahut zulm kiye haiñ

ā.īna agar dekhā to Dar jāoge logo

is par na qadam rakhnā ki ye rāh-e-vafā hai

sarshār nahīñ ho, ki guzar jāoge logo

sahra hi ghanimat hai, jo ghar jaoge logo

wo 'alam-e-wahshat hai ki mar jaoge logo

yaadon ke ta'aqub mein agar jaoge logo

meri hi tarah tum bhi bikhar jaoge logo

wo mauj-e-saba bhi ho to hushyar hi rahna

sukhe hue patte ho bikhar jaoge logo

is KHak pe mausam to guzarte hi rahe hain

mausam hi to ho tum bhi guzar jaoge logo

ujDe hain kai shahr to ye shahr basa hai

ye shahr bhi chhoDa to kidhar jaoge logo

haalat ne chehron pe bahut zulm kiye hain

aaina agar dekha to Dar jaoge logo

is par na qadam rakhna ki ye rah-e-wafa hai

sarshaar nahin ho, ki guzar jaoge logo