sair us sabza-e-ariz ki hai dushwar bahut

sair us sabza-e-āriz kī hai dushvār bahut

ai dil-e-ābla-pā raah meñ haiñ ḳhaar bahut

lo na lo dil mujhe bhātī nahīñ takrār bahut

muft biktā hai mirā maal ḳharīdār bahut

ḳhush raho yaar agar ham se ho bezār bahut

dil agar apnā salāmat hai to dildār bahut

ġham nahīñ go ham akele haiñ aur aġhyār bahut

haq agar apnī taraf hai to taraf-dār bahut

paañv phailāo na ab to mire paas aane meñ

eḌiyāñ tum ne ragaḌvā.ī haiñ ai yaar bahut

kyā karūñgā maiñ bhalā baaġh ijāre le kar

āshiyānoñ ko haiñ ik musht-e-ḳhas-o-ḳhār bahut

ta.an rindoñ pe na kar shaiḳh ḳhudā-lagtī bol

us ke altāf bahut haiñ ki gunahgār bahut

kyā zamāne meñ mohabbat kā maraz phailā hai

achchhe do-chār nazar aate haiñ bīmār bahut

lambe lambe tire bāloñ kā mujhe saudā hai

tuul khīñgā mirī jaan ye āzār bahut

talḳhī-e-marg kā hargiz mujhe andesha nahīñ

baiThī muñh par hai mire yaar kī talvār bahut

bas tumhārī yahī ḳhū saḳht burī lagtī hai

thoḌī taqsīr pe ho jaate ho bezār bahut

ghar meñ us but ke rasā.ī na huī par na huī

'bahr' ne putlī bhī gaaḌī pas-e-dīvār bahut

sair us sabza-e-ariz ki hai dushwar bahut

ai dil-e-abla-pa rah mein hain KHar bahut

lo na lo dil mujhe bhati nahin takrar bahut

muft bikta hai mera mal KHaridar bahut

KHush raho yar agar hum se ho bezar bahut

dil agar apna salamat hai to dildar bahut

gham nahin go hum akele hain aur aghyar bahut

haq agar apni taraf hai to taraf-dar bahut

panw phailao na ab to mere pas aane mein

eDiyan tum ne ragaDwai hain ai yar bahut

kya karunga main bhala bagh ijare le kar

aashiyanon ko hain ek musht-e-KHas-o-KHar bahut

tan rindon pe na kar shaiKH KHuda-lagti bol

us ke altaf bahut hain ki gunahgar bahut

kya zamane mein mohabbat ka maraz phaila hai

achchhe do-chaar nazar aate hain bimar bahut

lambe lambe tere baalon ka mujhe sauda hai

tul khinga meri jaan ye aazar bahut

talKHi-e-marg ka hargiz mujhe andesha nahin

baiThi munh par hai mere yar ki talwar bahut

bas tumhaari yahi KHu saKHt buri lagti hai

thoDi taqsir pe ho jate ho bezar bahut

ghar mein us but ke rasai na hui par na hui

'bahr' ne putli bhi gaDi pas-e-diwar bahut