sajal ki shor zaminon mein aashiyana kare

sajal ki shor zamīnoñ meñ āshiyāna kare

na jaane ab ke musāfir kahāñ Thikānā kare

bas ek baar use paḌh sakūñ ġhazal kī tarah

phir us ke baad to jo gardish-e-zamāna kare

havā.eñ vo haiñ ki har zulf pechdār huī

kise dimāġh ki ab ārzū-e-shāna kare

abhī to raat ke sab nigah-dār jāgte haiñ

abhī se kaun charāġhoñ kī lau nishāna kare

sulūk meñ bhī vahī tazkire vahī tash.hīr

kabhī to koī ik ehsān ġhā.ebāna kare

maiñ sab ko bhuul gayā zaḳhm-e-mundamil kī misāl

magar vo shaḳhs ki har baat jārehāna kare

sajal ki shor zaminon mein aashiyana kare

na jaane ab ke musafir kahan Thikana kare

bas ek bar use paDh sakun ghazal ki tarah

phir us ke baad to jo gardish-e-zamana kare

hawaen wo hain ki har zulf pechdar hui

kise dimagh ki ab aarzu-e-shana kare

abhi to raat ke sab nigah-dar jagte hain

abhi se kaun charaghon ki lau nishana kare

suluk mein bhi wahi tazkire wahi tashhir

kabhi to koi ek ehsan ghaebana kare

main sab ko bhul gaya zaKHm-e-mundamil ki misal

magar wo shaKHs ki har baat jarehana kare