sajda-e-pir-e-mughan hasil-e-irfan nikla

sajda-e-pīr-e-muġhāñ hāsil-e-irfāñ niklā

jis ko ham kufr samajhte the vo īmāñ niklā

tā kujā ḳhaak kī parvāz kā imkāñ niklā

farsh kyā arsh bhī jaulāñ-gah-e-insāñ niklā

shor sunte the bahut nāla-e-dil kā apne

ye bhī āḳhir ko harīf-e-ġham-e-pinhāñ niklā

ishq to ishq hai ḳhud husn bhī is gulshan meñ

chāk-e-dil chāk-e-jigar chāk-e-garebāñ niklā

qaid-e-ġham qaid-e-vafā qaid-e-nazar qaid-e-junūñ

gosha gosha chaman-e-ishq kā dandāñ niklā

na huī ruuh mukaddar kabhī ālā.ish se

sho.ala har dam ḳhas-o-ḳhāshāk se uryāñ niklā

ḳhār-e-sahrā kī tamanna thī ki uljheñ lekin

pairahan meñ na junūñ ke koī dāmāñ niklā

sajda-e-pir-e-mughan hasil-e-irfan nikla

jis ko hum kufr samajhte the wo iman nikla

ta kuja KHak ki parwaz ka imkan nikla

farsh kya arsh bhi jaulan-gah-e-insan nikla

shor sunte the bahut nala-e-dil ka apne

ye bhi aaKHir ko harif-e-gham-e-pinhan nikla

ishq to ishq hai KHud husn bhi is gulshan mein

chaak-e-dil chaak-e-jigar chaak-e-gareban nikla

qaid-e-gham qaid-e-wafa qaid-e-nazar qaid-e-junun

gosha gosha chaman-e-ishq ka dandan nikla

na hui ruh mukaddar kabhi aalaish se

shoala har dam KHas-o-KHashak se uryan nikla

KHar-e-sahra ki tamanna thi ki uljhen lekin

pairahan mein na junun ke koi daman nikla