saKHt mushkil azab hai jaanan

saḳht mushkil azaab hai jānāñ

jaise tū bhī sarāb hai jānāñ

ik haqīqat hai yā fasāna hai

zindagī hai yā ḳhvāb hai jānāñ

dard-e-dil umr se muqayyad thā

so vo ab be-hisāb hai jānāñ

abhī rūThe ho maan jaao tum

yahī achchhā javāb hai

ham se parda-e-nāz kyā ma.anī

chāñd to be-naqāb hai jānāñ

tum mere shahr meñ hī ho lekin

kis qadar ye itaab hai jānāñ

pur-takalluf hai aaj kī mahfil

tum kaho kyā sharāb hai jānāñ

ye hai hālat hamārī jo bhī hai

ye tirā intiḳhāb hai jānāñ

tumheñ dekheñ to aisā lagtā hai

ek sā iztirāb hai jānāñ

itnā 'barham' burā nahīñ lekin

ishq ḳhāna-ḳharāb hai jānāñ

saKHt mushkil azab hai jaanan

jaise tu bhi sarab hai jaanan

ek haqiqat hai ya fasana hai

zindagi hai ya KHwab hai jaanan

dard-e-dil umr se muqayyad tha

so wo ab be-hisab hai jaanan

abhi ruThe ho man jao tum

yahi achchha jawab hai

hum se parda-e-naz kya mani

chand to be-naqab hai jaanan

tum mere shahr mein hi ho lekin

kis qadar ye itab hai jaanan

pur-takalluf hai aaj ki mahfil

tum kaho kya sharab hai jaanan

ye hai haalat hamari jo bhi hai

ye tera intiKHab hai jaanan

tumhein dekhen to aisa lagta hai

ek sa iztirab hai jaanan

itna 'barham' bura nahin lekin

ishq KHana-KHarab hai jaanan