salib-e-wahshat mein qaid ho kar tumhaari furqat mana rahi hun

salīb-e-vahshat meñ qaid ho kar tumhārī furqat manā rahī huuñ

qarīb aao aur aa ke dekho maiñ kaise ġham ko baḌhā rahī huuñ

junūñ kī bastī meñ aa ke jaanā ma.aal maiñ ne mohabbatoñ kā

so fasl-e-gul ko mohabbatoñ kā har ek nauha sunā rahī huuñ

mire muqaddar meñ chaar jānib hai yuuñ to vahshat kā bol-bālā

magar maiñ hamdam tumhārī rah meñ gulāb-rut ko bichhā rahī huuñ

tabīb mere ḳhabar hai tum ko miTāne apnī ye tīra-baḳhtī

maiñ shab ke qirtās par lahū se tumhārī āñkheñ banā rahī huuñ

ḳhushī ki kuchh pal bahār mujh ko kabhī jo ḳhairāt kar ga.ī thī

maiñ ḳhud ko patjhaḌ mizāj kar ke ab us kā qarza chukā rahī huuñ

salib-e-wahshat mein qaid ho kar tumhaari furqat mana rahi hun

qarib aao aur aa ke dekho main kaise gham ko baDha rahi hun

junun ki basti mein aa ke jaana maal main ne mohabbaton ka

so fasl-e-gul ko mohabbaton ka har ek nauha suna rahi hun

mere muqaddar mein chaar jaanib hai yun to wahshat ka bol-baala

magar main hamdam tumhaari rah mein gulab-rut ko bichha rahi hun

tabib mere KHabar hai tum ko miTane apni ye tira-baKHti

main shab ke qirtas par lahu se tumhaari aankhen bana rahi hun

KHushi ki kuchh pal bahaar mujh ko kabhi jo KHairaat kar gai thi

main KHud ko patjhaD mizaj kar ke ab us ka qarza chuka rahi hun