samaaton ko amin-e-nawa-e-raaz kiya

samā.atoñ ko amīn-e-navā-e-rāz kiyā

maiñ be-suḳhan thā mujhe us ne nai-navāz kiyā

vo apne-āp hī nādim hai varna ham ne to

talāsh us kī har ik baat kā javāz kiyā

ye us nigāh kī īmā.iyat-pasandī hai

jo sāmne kī thiiñ bāteñ unheñ bhī raaz kiyā

badan kī aag ko kahte haiñ log jhūTī aag

magar us aag ne dil ko mire gudāz kiyā

yahāñ havā se bachā kar charāg rakkhe haiñ

makāñ ke band darīchoñ ko kis ne baaz kiyā

samaaton ko amin-e-nawa-e-raaz kiya

main be-suKHan tha mujhe us ne nai-nawaz kiya

wo apne-ap hi nadim hai warna hum ne to

talash us ki har ek baat ka jawaz kiya

ye us nigah ki imaiyat-pasandi hai

jo samne ki thin baaten unhen bhi raaz kiya

badan ki aag ko kahte hain log jhuTi aag

magar us aag ne dil ko mere gudaz kiya

yahan hawa se bacha kar charag rakkhe hain

makan ke band darichon ko kis ne baz kiya