samajh mein zindagi aae kahan se
samajh meñ zindagī aa.e kahāñ se
paḌhī hai ye ibārat darmiyāñ se
yahāñ jo hai tanaffus hī meñ gum hai
parinde uḌ rahe haiñ shāḳh-e-jāñ se
makān-o-lā-makāñ ke biich kyā hai
judā jis se makāñ hai lā-makāñ se
darīcha baaz hai yādoñ kā aur maiñ
havā suntā huuñ maiñ peḌoñ kī zabāñ se
thā ab tak ma.arka bāhar kā darpesh
abhī to ghar bhī jaanā hai yahāñ se
zamāna thā vo dil kī zindagī kā
tirī furqat ke din lā.ūñ kahāñ se
fulāñ se thī ġhazal behtar fulāñ kī
fulāñ ke zaḳhm achchhe the fulāñ se
samajh mein zindagi aae kahan se
paDhi hai ye ibarat darmiyan se
yahan jo hai tanaffus hi mein gum hai
parinde uD rahe hain shaKH-e-jaan se
makan-o-la-makan ke bich kya hai
juda jis se makan hai la-makan se
daricha baz hai yaadon ka aur main
hawa sunta hun main peDon ki zaban se
tha ab tak marka bahar ka darpesh
abhi to ghar bhi jaana hai yahan se
zamana tha wo dil ki zindagi ka
teri furqat ke din laun kahan se
fulan se thi ghazal behtar fulan ki
fulan ke zaKHm achchhe the fulan se
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
