samajh rahe hain magar bolne ka yara nahin

samajh rahe haiñ magar bolne kā yaarā nahīñ

jo ham se mil ke bichhaḌ jaa.e vo hamārā nahīñ

abhī se barf ulajhne lagī hai bāloñ se

abhī to qarz-e-mah-o-sāl bhī utārā nahīñ

bas ek shaam use āvāz dī thī hijr kī shaam

phir us ke ba.ad use umr bhar pukārā nahīñ

havā kuchh aisī chalī hai ki tere vahshī ko

mizāj-pursī-e-bād-e-sabā gavārā nahīñ

samundaroñ ko bhī hairat huī ki Dūbte vaqt

kisī ko ham ne madad ke liye pukārā nahīñ

vo ham nahīñ the to phir kaun thā sar-e-bāzār

jo kah rahā thā ki biknā hameñ gavārā nahīñ

ham ahl-e-dil haiñ mohabbat kī nisbatoñ ke amiin

hamāre paas zamīnoñ kā goshvāra nahīñ

samajh rahe hain magar bolne ka yara nahin

jo hum se mil ke bichhaD jae wo hamara nahin

abhi se barf ulajhne lagi hai baalon se

abhi to qarz-e-mah-o-sal bhi utara nahin

bas ek sham use aawaz di thi hijr ki sham

phir us ke baad use umr bhar pukara nahin

hawa kuchh aisi chali hai ki tere wahshi ko

mizaj-pursi-e-baad-e-saba gawara nahin

samundaron ko bhi hairat hui ki Dubte waqt

kisi ko hum ne madad ke liye pukara nahin

wo hum nahin the to phir kaun tha sar-e-bazar

jo kah raha tha ki bikna hamein gawara nahin

hum ahl-e-dil hain mohabbat ki nisbaton ke amin

hamare pas zaminon ka goshwara nahin