samajh sake na jise koi bhi sawal aisa
samajh sake na jise koī bhī savāl aisā
bunā hai saañs ke dhāgoñ ne ek jaal aisā
kabhī dimāġh thā mujh ko bhī ḳhud-parastī kā
palaT ke zehn meñ aayā na phir ḳhayāl aisā
maiñ āsmāñ to na thā jis meñ chāñd chhup jaate
huā na hogā kisī kā kabhī zavāl aisā
tamām umr na.e lafz kī talāsh rahī
kitāb-e-dard kā mazmūñ thā pā.emāl aisā
kinār-e-āb na pahuñchegī jaan kī kashtī
bahut dinoñ se hai paanī meñ ishti.āl aisā
samajh sake na jise koi bhi sawal aisa
buna hai sans ke dhagon ne ek jal aisa
kabhi dimagh tha mujh ko bhi KHud-parasti ka
palaT ke zehn mein aaya na phir KHayal aisa
main aasman to na tha jis mein chand chhup jate
hua na hoga kisi ka kabhi zawal aisa
tamam umr nae lafz ki talash rahi
kitab-e-dard ka mazmun tha paemal aisa
kinar-e-ab na pahunchegi jaan ki kashti
bahut dinon se hai pani mein ishtial aisa
- Book : Aazadi ke baad dehli men urdu gazal (Pg. 208)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
