samjhaen kis tarah dil-e-na-karda-kar ko
samjhā.eñ kis tarah dil-e-nā-kardā-kār ko
ye dostī samajhtā hai dushman ke pyaar ko
niklā chamak ke mohr-e-qayāmat bhī aur ham
baiThe rahe chhupā.e dil-e-dāġhdār ko
saaqī na mai na jaam na miinā na mai-kada
aamad bahār kī ho mubārak bahār ko
kyā kyā bigāḌ meñ bhī adā.eñ haiñ dil-fareb
kitne banāv aate haiñ gesū-e-yār ko
nāseh kā imtihān 'mubārak' ho ek din
thoḌī pilā ke dekhiye us hoshiyār ko
samjhaen kis tarah dil-e-na-karda-kar ko
ye dosti samajhta hai dushman ke pyar ko
nikla chamak ke mohr-e-qayamat bhi aur hum
baiThe rahe chhupae dil-e-daghdar ko
saqi na mai na jam na mina na mai-kada
aamad bahaar ki ho mubarak bahaar ko
kya kya bigaD mein bhi adaen hain dil-fareb
kitne banaw aate hain gesu-e-yar ko
naseh ka imtihan 'mubarak' ho ek din
thoDi pila ke dekhiye us hoshiyar ko
- Book : intekhaab-e-kalaam (Pg. 26)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
