samjhe hain misl-e-kah mujhe marte hain log
samjhe haiñ misl-e-kāh mujhe mārte haiñ log
kitne haiñ kam-nigāh mujhe mārte haiñ log
itnā bhī ehtijāj gavārā nahīñ unheñ
bhartā huuñ jab bhī aah mujhe mārte haiñ log
maanā ki tere adl kā Dañkā hai chaar sū
lekin ai kaj-kulāh mujhe mārte haiñ log
tai hai ki phir girā diyā jā.uñgā chaah meñ
pahle barūn-e-chāh mujhe mārte haiñ log
yuuñ bhī faroġh dete haiñ apne daroġh ko
lā kar koī gavāh mujhe mārte haiñ log
samjhe hain misl-e-kah mujhe marte hain log
kitne hain kam-nigah mujhe marte hain log
itna bhi ehtijaj gawara nahin unhen
bharta hun jab bhi aah mujhe marte hain log
mana ki tere adl ka Danka hai chaar su
lekin ai kaj-kulah mujhe marte hain log
tai hai ki phir gira diya jaunga chah mein
pahle barun-e-chah mujhe marte hain log
yun bhi farogh dete hain apne darogh ko
la kar koi gawah mujhe marte hain log
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
