samundar is qadar shorida-sar kyun lag raha hai

Iftikhar Arif

samundar is qadar shorida-sar kyun lag raha hai

Iftikhar Arif

MORE BY Iftikhar Arif

    samundar is qadar shorīda-sar kyuuñ lag rahā hai

    kināre par bhī ham ko itnā Dar kyuuñ lag rahā hai

    vo jis jur.at-e-parvāz ke charche bahut the

    vahī taa.ir hameñ be-bāl-o-par kyuuñ lag rahā hai

    vo jis ke naam se raushan the mustaqbil ke sab ḳhvāb

    vahī chehra hameñ nā-mo'tabar kyuuñ lag rahā hai

    bahāreñ jis shāḳhoñ se gavāhī māñgtī thiiñ

    vahī mausam hameñ ab be-samar kyuuñ lag rahā hai

    dar-o-dīvār itne ajnabī kyuuñ lag rahe haiñ

    ḳhud apne ghar meñ āḳhir itnā Dar kyuuñ lag rahā hai

    samundar is qadar shorida-sar kyun lag raha hai

    kinare par bhi hum ko itna Dar kyun lag raha hai

    wo jis ki jurat-e-parwaz ke charche bahut the

    wahi tair hamein be-baal-o-par kyun lag raha hai

    wo jis ke nam se raushan the mustaqbil ke sab KHwab

    wahi chehra hamein na-mo'tabar kyun lag raha hai

    bahaaren jis ki shaKHon se gawahi mangti thin

    wahi mausam hamein ab be-samar kyun lag raha hai

    dar-o-diwar itne ajnabi kyun lag rahe hain

    KHud apne ghar mein aaKHir itna Dar kyun lag raha hai

    RECITATIONS

    Iftikhar Arif

    Iftikhar Arif

    Iftikhar Arif

    samundar is qadar shorida-sar kyun lag raha hai Iftikhar Arif

    Source:

    • Book: Mahr-e-Do Neem (Pg. 72)
    • Author: iftikhaar aarif
    • Publication: Educational Publishing House (1999)
    • Edition: 1999
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites