samundar mein khaDe ho ro rahe ho

samundar meñ khaḌe ho ro rahe ho

ye kaisī mailī chādar dho rahe ho

ye duniyā mas.ala allāh kā hai

ye miTTī sar pe tum kyuuñ Dho rahe ho

hamāre āñsuoñ ke jugnuoñ se

sitāro kyuuñ pareshāñ ho rahe ho

samundar ko dikhā kar aag ab kyuuñ

duā kī bārishoñ ko ro rahe ho

jahāñ purkhoñ ke sajdoñ ke nishāñ haiñ

vo galiyāñ ḳhuun se kyuuñ dho rahe ho

sunā hogā hamārā hādsa bhī

hamāre shahr meñ tum to rahe ho

nahīñ gar jān-e-jāñ to dushman-e-jāñ

hamārī jaan ke kuchh to rahe ho

tumheñ to ḳhuub hañsnā chāhiye 'ashk'

hamāre haal par tum ro rahe ho

samundar mein khaDe ho ro rahe ho

ye kaisi maili chadar dho rahe ho

ye duniya masala allah ka hai

ye miTTi sar pe tum kyun Dho rahe ho

hamare aansuon ke jugnuon se

sitaro kyun pareshan ho rahe ho

samundar ko dikha kar aag ab kyun

dua ki barishon ko ro rahe ho

jahan purkhon ke sajdon ke nishan hain

wo galiyan KHun se kyun dho rahe ho

suna hoga hamara hadsa bhi

hamare shahr mein tum to rahe ho

nahin gar jaan-e-jaan to dushman-e-jaan

hamari jaan ke kuchh to rahe ho

tumhein to KHub hansna chahiye 'ashk'

hamare haal par tum ro rahe ho