sanam jab chira-e-zar-tar bandhe
sanam jab chīra-e-zar-tār bāñdhe
jhalak siiñ kūcha-o-bāzār bāñdhe
hazāroñ teġh-bandoñ kuuñ kare qatl
ḳham-e-abru kī jab talvār bāñdhe
jo dekhe ek-dam zāhid tirī zulf
gale meñ zohd kā zunnār bāñdhe
talab ke uqda-e-mushkil kuuñ khole
jo koshish kī kamar yakbār bāñdhe
jo kui ġham kā hisār-e-qalb chāhe
ġhubār-e-āh siiñ dīvār bāñdhe
jo dekhe gul-ruḳhoñ ko ko lā-ubālī
bajā hai gar lab-e-iz.hār bāñdhe
'sirāj' āñkheñ kiyā hai ġhair siiñ band
ki tā dil meñ ḳhayāl-e-yār bāñdhe
sanam jab chira-e-zar-tar bandhe
jhalak sin kucha-o-bazar bandhe
hazaron tegh-bandon kun kare qatl
KHam-e-abru ki jab talwar bandhe
jo dekhe ek-dam zahid teri zulf
gale mein zohd ka zunnar bandhe
talab ke uqda-e-mushkil kun khole
jo koshish ki kamar yakbar bandhe
jo kui gham ka hisar-e-qalb chahe
ghubar-e-ah sin diwar bandhe
jo dekhe gul-ruKHon ko ko la-ubaali
baja hai gar lab-e-izhaar bandhe
'siraj' aankhen kiya hai ghair sin band
ki ta dil mein KHayal-e-yar bandhe
- Book : Kulliyat-e-Siraj (Pg. 591)
- Author : Siraj Aurangabadi
- Publication : Qaumi Council Baraye-Farogh Urdu (1982,1998)
- Edition : 1982,1998
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
