sanware aaKHirat ya zindagi ko

sañvāre āḳhirat yā zindagī ko

kahāñ itnī bhī mohlat aadmī ko

bujhā.ī āñsuoñ ne ātish-e-ġham

magar bhaḌkā diyā hai bekalī ko

bharam khul jā.egā dānā.iyoñ kā

pukāro to zarā dīvāngī ko

jo sar jhuktā nahīñ hai dil to jhuk jaa.e

faqat itnī talab hai bandagī ko

jo dil se phuuT kar āñkhoñ meñ chamke

taraste rah ga.e ham is hañsī ko

sanware aaKHirat ya zindagi ko

kahan itni bhi mohlat aadmi ko

bujhai aansuon ne aatish-e-gham

magar bhaDka diya hai bekali ko

bharam khul jaega danaiyon ka

pukaro to zara diwangi ko

jo sar jhukta nahin hai dil to jhuk jae

faqat itni talab hai bandagi ko

jo dil se phuT kar aankhon mein chamke

taraste rah gae hum is hansi ko