sar-e-nigah bisat-e-jahan to kuchh bhi nahin

sar-e-nigāh bisāt-e-jahāñ to kuchh bhī nahīñ

jahān-e-ḳhud-nigar-o-kaj-gumāñ to kuchh bhī nahīñ

darūd bar-sar-e-karb-e-taġhayyur-e-mausam

ġham-e-siyāsat-e-ahl-e-jahāñ to kuchh bhī nahīñ

tamām asl-e-suḳhan dād-e-ḳhāliq-e-ḳhāma

kamāl-e-mubtadī-e-nīm-jāñ to kuchh bhī nahīñ

tamām husn-e-suḳhan ḳhūbī-hā-e-nukta-varāñ

jamāl-e-dīda-e-giryā-kunāñ to kuchh bhī nahīñ

ba-pesh-e-jur.at-e-tark-e-umīd-e-yās fazā

bisāt-e-ālam-e-umīd-e-āñ to kuchh bhī nahīñ

umīd-vār ruḳh-e-dīda-baḳhs-e-ā.īna-hā

qarīb-o-dūr nigah juz gumāñ to kuchh bhī nahīñ

sukūt-e-arz-o-samā parda-hā-e-shorish-e-dil

khulā ki ġhalġhala-e-al-amāñ to kuchh bhī nahīñ

sar-e-basīt-e-jamāl-e-mujassam-e-ijmāl

tahayyur-e-nigah-e-āshiqāñ to kuchh bhī nahīñ

sukūn-e-ḳhvāb-e-fazā ranj-e-rā.egānī-e-umr

zayān-e-bā.is-e-sad-hā ziyāñ to kuchh bhī nahīñ

shu.ūr-e-chashm-o-dil-o-jāñ nisārī-e-āshiq

agar hai ḳhāliq-e-nām-o-nishāñ to kuchh bhī nahīñ

safīr-e-ḳhush-ḳhabar-e-kū-e-yār-e-nā-maujūd

nahīñ vajūd-e-fareb-e-gumāñ to kuchh bhī nahīñ

ḳhamoshī-e-rah-e-pur-samt-e-yak musāfir-e-jū

nahīñ hai nāla-e-pā-bast-gāñ to kuchh bhī nahīñ

salāh-e-ḳhush-guzarāñ qātil-e-tamannā hai

magar vaqār-e-tamannā yahāñ to kuchh bhī nahīñ

sar-e-nigah bisat-e-jahan to kuchh bhi nahin

jahan-e-KHud-nigar-o-kaj-guman to kuchh bhi nahin

darud bar-sar-e-karb-e-taghayyur-e-mausam

gham-e-siyasat-e-ahl-e-jahan to kuchh bhi nahin

tamam asl-e-suKHan dad-e-KHaliq-e-KHama

kamal-e-mubtadi-e-nim-jaan to kuchh bhi nahin

tamam husn-e-suKHan KHubi-ha-e-nukta-waran

jamal-e-dida-e-girya-kunan to kuchh bhi nahin

ba-pesh-e-jurat-e-tark-e-umid-e-yas faza

bisat-e-alam-e-umid-e-an to kuchh bhi nahin

umid-war ruKH-e-dida-baKHs-e-aina-ha

qarib-o-dur nigah juz guman to kuchh bhi nahin

sukut-e-arz-o-sama parda-ha-e-shorish-e-dil

khula ki ghalghala-e-al-aman to kuchh bhi nahin

sar-e-basit-e-jamal-e-mujassam-e-ijmal

tahayyur-e-nigah-e-ashiqan to kuchh bhi nahin

sukun-e-KHwab-e-faza ranj-e-raegani-e-umr

zayan-e-bais-e-sad-ha ziyan to kuchh bhi nahin

shuur-e-chashm-o-dil-o-jaan nisari-e-ashiq

agar hai KHaliq-e-nam-o-nishan to kuchh bhi nahin

safir-e-KHush-KHabar-e-ku-e-yar-e-na-maujud

nahin wajud-e-fareb-e-guman to kuchh bhi nahin

KHamoshi-e-rah-e-pur-samt-e-yak musafir-e-ju

nahin hai nala-e-pa-bast-gan to kuchh bhi nahin

salah-e-KHush-guzaran qatil-e-tamanna hai

magar waqar-e-tamanna yahan to kuchh bhi nahin