sar-e-rah ek hadisa ho gaya

sar-e-rāh ik hādisa ho gayā

achānak tirā sāmnā ho gayā

ḳhud apnī bhī ab yaad aatī nahīñ

tirī yaad kā haq adā ho gayā

masīhā.iyāñ dekhtī rah ga.iiñ

tirā dard baḌh kar davā ho gayā

kaTegī kis ummīd par zindagī

agar terā ġham bhī judā ho gayā

qarīb aa ga.iiñ ḳhud-baḳhud manzileñ

tirā naqsh-e-pā rahnumā ho gayā

unheñ dekh kar dekhtī rah ga.iiñ

ḳhudā jaane āñkhoñ ko kyā ho gayā

'rishī' zindagī zindagī ban ga.ī

dil apnā alam-āshnā ho gayā

sar-e-rah ek hadisa ho gaya

achanak tera samna ho gaya

KHud apni bhi ab yaad aati nahin

teri yaad ka haq ada ho gaya

masihaiyan dekhti rah gain

tera dard baDh kar dawa ho gaya

kaTegi kis ummid par zindagi

agar tera gham bhi juda ho gaya

qarib aa gain KHud-baKHud manzilen

tera naqsh-e-pa rahnuma ho gaya

unhen dekh kar dekhti rah gain

KHuda jaane aankhon ko kya ho gaya

'rishi' zindagi zindagi ban gai

dil apna alam-ashna ho gaya