sar-e-sahra musafir ko sitara yaad rahta hai
sar-e-sahrā musāfir ko sitāra yaad rahtā hai
maiñ chaltā huuñ mujhe chehra tumhārā yaad rahtā hai
tumhārā zarf hai tum ko mohabbat bhuul jaatī hai
hameñ to jis ne hañs kar bhī pukārā yaad rahtā hai
mohabbat meñ jo Duubā ho use sāhil se kyā lenā
kise is bahr meñ jā kar kināra yaad rahtā hai
bahut lahroñ ko pakḌā Dūbne vaale ke hāthoñ ne
yahī bas ek dariyā kā nazāra yaad rahtā hai
sadā.eñ ek sī yaksāniyat meñ Duub jaatī haiñ
zarā sā muḳhtalif jis ne pukārā yaad rahtā hai
maiñ kis tezī se zinda huuñ maiñ ye to bhuul jaatā huuñ
nahīñ aanā hai duniyā meñ dobāra yaad rahtā hai
sar-e-sahra musafir ko sitara yaad rahta hai
main chalta hun mujhe chehra tumhaara yaad rahta hai
tumhaara zarf hai tum ko mohabbat bhul jati hai
hamein to jis ne hans kar bhi pukara yaad rahta hai
mohabbat mein jo Duba ho use sahil se kya lena
kise is bahr mein ja kar kinara yaad rahta hai
bahut lahron ko pakDa Dubne wale ke hathon ne
yahi bas ek dariya ka nazara yaad rahta hai
sadaen ek si yaksaniyat mein Dub jati hain
zara sa muKHtalif jis ne pukara yaad rahta hai
main kis tezi se zinda hun main ye to bhul jata hun
nahin aana hai duniya mein dobara yaad rahta hai
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
