sar-e-shorida pa-e-dasht-e-paima sham-e-hijran tha

sar-e-shorīda pā-e-dasht-e-paimā shām-e-hijrāñ thā

kabhī ghar thā bayābāñ meñ kabhī ghar meñ bayābāñ thā

tire kushte ko mahshar ḳhvāb-e-āsā.ish kā sāmāñ thā

ki suur afsāna-go thā zalzala gahvāra-jumbāñ thā

jise sab nuuh ke farzand kahte haiñ ki tūfāñ thā

kisī jāñ-dāda-e-ḳhāmosh kā andoh-e-pinhāñ thā

balā se chuur kar do chuur kar do shīsha-e-dil ko

isī meñ qaid hasrat thī isī meñ band armāñ thā

na kholī aañkh vaqt-e-naz.a bīmār-e-mohabbat ne

kisī kā parda rakhnā thā koī āñkhoñ meñ pinhāñ thā

akele ai buto ham bhī na so.e kunj-e-marqad meñ

jo is pahlū meñ hasrat thī to us pahlū meñ armāñ thā

ga.e the rauñdne dil ko liye baiThe haiñ talvoñ ko

faro rag rag meñ nashtar the nihāñ nas nas meñ paikāñ thā

mirī hastī kī mahshar meñ koī ta.abīr kyā kartā

kisī zulf-e-pareshāñ kā maiñ ik ḳhvāb-e-pareshāñ thā

qayāmat tak pas-az-murdan rahī ik Tiis sī dil meñ

vo kahte haiñ ki paikāñ thā maiñ kahtā huuñ ki armāñ thā

huzūr-e-bulbul-e-kilk-e-'bayāñ' kis tarah khulte muñh

ki bū-e-ġhuncha saañ mahjūb nutq-e-har-suḳhan vaañ thā

sar-e-shorida pa-e-dasht-e-paima sham-e-hijran tha

kabhi ghar tha bayaban mein kabhi ghar mein bayaban tha

tere kushte ko mahshar KHwab-e-asaish ka saman tha

ki sur afsana-go tha zalzala gahwara-jumban tha

jise sab nuh ke farzand kahte hain ki tufan tha

kisi jaan-dada-e-KHamosh ka andoh-e-pinhan tha

bala se chur kar do chur kar do shisha-e-dil ko

isi mein qaid hasrat thi isi mein band arman tha

na kholi aankh waqt-e-naza bimar-e-mohabbat ne

kisi ka parda rakhna tha koi aankhon mein pinhan tha

akele ai buto hum bhi na soe kunj-e-marqad mein

jo is pahlu mein hasrat thi to us pahlu mein arman tha

gae the raundne dil ko liye baiThe hain talwon ko

faro rag rag mein nashtar the nihan nas nas mein paikan tha

meri hasti ki mahshar mein koi tabir kya karta

kisi zulf-e-pareshan ka main ek KHwab-e-pareshan tha

qayamat tak pas-az-murdan rahi ek Tis si dil mein

wo kahte hain ki paikan tha main kahta hun ki arman tha

huzur-e-bulbul-e-kilk-e-'bayan' kis tarah khulte munh

ki bu-e-ghuncha san mahjub nutq-e-har-suKHan wan tha